அமெரிக்க பாப் இசை கலைஞருடன் சேர்ந்த பாடகி தீ
சென்னை, செப். 5- பாடகி தீ மற்றும் அமெரிக்க பாப் இசை கலைஞர் லாரா ராஜ் ஆப் இணைந்து பாடிய ‘வாரி வாரி பாடலின் ரீமிக்ஸ் வெளியாகியுள்ளது.
சுயாதீன இசையின் மூலம் சர்வதேச அளவில் இசை ரசிகர்களின் கவனத்தை ஈர்த்த தமிழ் பாடகி தீ, அமெரிக்க பாப் இசை கலைஞரான லாரா ராஜ் ஆப் கேட்சே உடன் இணைந்து, ‘வாரி வாரி’ எனும் பாடலின் ரீமிக்ஸ் வடிவத்தை வெளியிட்டுள்ளனர்.
இசையமைப்பாளர் சந்தோஷ் நாராயணன் இசையமைத்து தயாரித்து, பாடலாசிரியர் விவேக் வரிகளில், பாடகி தீ குரலில் ஒலித்த ‘வாரி வாரி’ எனும் பாடல் அண்மையில் வெளியாகி, மிகப்பெரிய வெற்றியைப் பெற்று தொடர்ந்து இசை ரசிகர்களின் கவனத்தை ஈர்த்து வருகிறது.
இந்த தருணத்தில் அமெரிக்க பாப் இசை பாடகியான லாரா ராஜ் ஆப் கேட்சே உடன் இணைந்து ‘வாரி வாரி எனும் பாடலின் ரீமிக்ஸை பாடி வெளியிட்டுள்ளனர். இந்த பாடலுக்கு சந்தோஷ் நாராயணன் இசையமைத்திருக்கிறார், கிருஷ்ணா இணை தயாரிப்பாளராக பணியாற்றியிருக்கிறார்.
சர்வதேச இசைக் கலைஞர்களான தீ மற்றும் லாரா ராஜ் ஆகியோரின் கூட்டணியில் உருவாகி இருக்கும் இந்த ரீமிக்ஸ் பாடல், கலாச்சார பரிமாற்றத்தின் அடையாளமாக திகழ்ந்து, இசை ரசிகர்களை வெகுவாக கவர்ந்திருக்கிறது.
பாடகி தீ மற்றும் லாரா ராஜ் குரலில் ஒலிக்கும் இந்த பாடல் தமிழ் வம்சாவளியைச் சேர்ந்த இரு பெண் கலைஞர்களின் சர்வதேச இசைக் கூட்டணியில் உருவாகி, உலகளாவிய இசை ரசிகர்களின் விருப்பத்திற்குரிய பாடல் பட்டியலில் இடம் பிடித்திருக்கிறது.
